Ubutumwa bwagenewe Baruki

1 Mu mwaka wa kane Yoyakimumwene Yosiya ari ku ngoma mu Buyuda, ni bwo Baruki mwene Neriya yanditse mu muzingo w’igitabo amagambo yabwiwe n’umuhanuzi Yeremiya. Nuko Yeremiya aramubwira ati:

2 “Dore ibyo Uhoraho Imana y’Abisiraheli akubwira:

3 waravuze uti: ‘Ngushije ishyano! Nari nsanganywe intimba none Uhoraho ageretseho ingorane. Ndananiwe kubera gutaka, nta n’ubwo nkiruhuka.’ ”

4 Yeremiya yungamo ati: “Ngubu ubutumwa Uhoraho yambwiye kukugezaho. Aravuga ati: ‘Ngiye gusenya ibyo nubatse, ndimbure ibyo nateye mu gihugu cyose.

5 Nyamara wowe ushaka ibintu bihambaye! Sigaho kubishaka. Dore ngiye guteza ibyago abantu bose, ariko wowe humura nta cyo uzaba. Nzakurinda aho uzajya hose.’ ”