Ineza y’Uhoraho

1 Zaburi ya Dawidi.

Mana, ndagushimira mbikuye ku mutima.

Erega ndakuririmbira ndi imbere yawe!

2 Nkwikubise imbere mu Ngoro yawe nziranenge,

ndagushimira imbabazi n’umurava ugira.

Koko izina ryawe hamwe n’ibyo wasezeranye wabihesheje ikuzo rihebuje byose.

3 Umunsi nagutabaje warantabaye,

wanteye imbaraga n’ubutwari.

4 Uhoraho, abami bose bo ku isi nibagushimire,

nibagushimire kuko biyumviye ibyo wavuze.

5 Nibaririmbe bogeza ibikorwa byawe,

baririmbe bati: “Uhoraho afite ikuzo rihambaye.”

6 Uhoraho, nubwo uba mu ijuru wita kuri rubanda rugufi,

nubwo uba kure umenya ibikorwa by’abirasi.

7 Iyo amakuba antangatanze ntiwemera ko ampitana,

iyo abanzi bandakariye urangoboka ukabarwanya,

ububasha bwawe ni bwo butuma mbatsinda.

8 Uhoraho, imigambi umfitiye uzayisohoza.

Uhoraho, imbabazi zawe zihoraho iteka ryose,

ni wowe wandemye ntuntererane.